Мақсаты: балалардың құқықтарын қорғау, тұрмыстық зорлық-зомбылықтың алдын алу, және азаматтарға психологиялық, құқықтық көмек көрсету.

Негізгі міндеттері:

Балалар мен отбасыларға шұғыл көмек көрсету.

Құқық бұзушылықтар туралы хабарламаларды қабылдау және тиісті органдарға жеткізу.

Психологиялық және құқықтық кеңес беру.

Зорлық-зомбылықтың алдын алу және оның салдарын азайту.

Жұмыс принципі:

Тәулік бойы, тегін қызмет көрсету.

Анонимдік және құпиялылық сақталады.

Кез келген азамат хабарласып, көмек ала алады.

Ұлыстың ұлы күні – Наурыз мерекесі баршамызға құтты болсын, бақыт әкелсін!

Тарихи тамыры тереңге бойлаған әз-Наурыз дана халқымызда қай кезде де еңсесі биік елдіктің іргесі сөгілмес бірліктің, ырыс пен ынтымақтың мерекесі болып келген.

Осы Ұлыстың мерекесі "Аманкелді атындағы N19 жалпы білім беретін мектеп" КММ базасында  "АРМЫСЫҢ, ӘЗ-НАУРЫЗ" тақырыбында тойланды. Іс-шарада күмбірлеген күйлер,мың бұралған билер, сыңғырлаған әндерден шашу шашылып, ұлттық тұсау кесер дәстүрімен Дәулет сәбидің тұсауы кесілді. Барша мектеп ауласын мерекелік көңілді шаттықпен шарықтап, барша жиналған қауым  мәре - сәре болып бір-бірімен қауышып, мәз болысып жатты.

Жылдан жылжып, айдан аман жеткен Жаңаруымыз құтты болсын! Барша елімізде тыныштық пен аманшылық, әр отбасында ынтымақ пен бақ береке тұрақтылығы болсын!

Жетісай ауданы білім бөліміне қарасты "Аманкелді атындағыт №19 жалпы білім беретін мектеп"коммуналдық мемлекеттік  мекемесі Ұлттық құндылықтарды насихаттау мақсатында Наурыз мерекесіне орай  Мемлекет басшысы 2024 жылы мақұлдаған Наурызнама тұжырымдамасына сәйкес жаңартылған  форматта -Наурызнама онкүндігінің іс-шара жоспары  бойынша 20.03.2025ж күні дене шынықтыру пәнінің мұғалімдері  "Ұлттық спорт ұлықталған күн" тақырыбында ежелден келе жатқан салт-дәстүрлер мен ойын түрлерін ұйымдастырып өтті.

Жетісайауданыбілімбөлімінеқарасты"Аманкелді атындағы №19 жалпы білім беретін мектеп"коммуналдық мемлекеттік  мекемесі Ұлттық құндылықтарды насихаттау мақсатында Наурыз мерекесіне орай Мемлекет басшысы 2024 жылы мақұлдаған Наурызнама тұжырымдамасына сәйкес жаңартылған  форматта -Наурызнама онкүндігінің іс-шара жоспары  бойынша 18.03.2025ж күні "Ұлттық киім- ұлт болмысы"  тақырыбында сынып жетекшілері мен оқушылар және мұғалімдер қазақтың ұлттық киім үлгілерін көпшілікке насихаттау арқылы челлендж жолдады.

    Жетісай ауданы білім бөліміне қарасты  «Аманкелді атындағы №19 жалпы орта білім беретін мектеп» коммуналдық мемлекеттік мекемесінде ұлттық құндылықтарды насихаттау мақсатында, Наурызнама тұжырымдамасына сәйкес  17 – наурыз  «Мәдениет және ұлттық салт-дәстүр күніне орай  көркем еңбек пәнінің мұғалімдері  Алданова Г және Сулеева Б апайлардың ұйымдастыруымен Ұлыттық салт- дәстүрді дәріптеу мақсатында, қолөнер  жәрменкесін ұйымдастырды. Сонымен қатар әжелеріміз "Бесікке салу" және жас ата-аналарымыз "Шаш өру" дәстүрлерін дәріптейді. 

Мақсаты: білім алушылар арасында ұлттық салт-дәстүрімізді, әдет-ғұрыптарымызды дәріптеу, ұлттық саналарын қалыптастыру, ұлтжандылыққа баулу, қазақ халқының ұлттық әдет-ғұрыптарының тәрбиелік мәнін ашып көрсету; білім алушылардың салт-дәстүр, әдет-ғұрып бойынша білім деңгейлерін бағамдау, ұлттық мәдениетімізді насихаттау.

Мектебімізде осы мерекеге орай #Біртұтастәрбие аясында өскелең ұрпаққа ұлтымыздың дәстүрлерін дәріптеп, құндылықтарымызды құрметтеп, дамыту мақсатында  бүкіл елімізде жарияланған НАУРЫЗНАМА ОНКҮНДІГІ негізінде  "Амал келді - Жыл келді!" тақырыбында іс-шара өтілді. 

Амал – тек табиғаттың ғана емес, адамдардың да жаңарып, тазаруына себеп болатын ерекше мейрам. Бұл күні өткенге есеп беріп, болашаққа жоспар құрып, туыстармен қауышу – үлкен мәртебе. 

    Көрісу – тек дәстүр ғана емес, бұл – ұрпақтар сабақтастығы, үлкенге құрмет, кішіге ізет көрсететін ерекше күн. Ағайынмен қауышу, өкпе-ренішті ұмыту – әр адамның жүрегіне жылулық сыйлайды. Осы көктемдей құлпырып, жаңарып, өміріміз тек жақсылыққа толы болсын! Берекеміз артып, татулығымыз жарассын!

Ынтымағымыз жарасып, ырысымыз арта берсін! Халқымыз аман, еліміз тыныш, дастарқанымыз берекелі болсын! Әрбір күніміз шаттық пен қуанышқа толы болсын!

Жетісай ауданының білім бөліміне қарасты "  Аманкелді атындағы №19 жалпы білім беретін мектеп" коммуналдық мемлекеттік мекемесінде Түркістан облысы білім басқармасының «Облыстық қосымша білім беруді дамыту орталығының» 14.02.2025ж. №203 хатына сәйкес «Қыран елім – Қазақстаным!» патриоттық акциясы аясында 2025 жылы 17 ақпан күні сағат 9.00-де  мұғалімдер мен оқушылар әнұран шырқады.

Мақсаты: Білім алушылар мен ұстаздар арасында патриотизм мен азаматтық сезімін қалыптастыруға ықпал ету

ДТІЖО Мұсаев Б, Смат Н.

Кездесуге Ауған соғысының ардагерлері:  Анарбаев Талғат, Өтеуов Әбілқасым,  ағаларымыз,  қатысты. Ардагерлер сұрапыл жылдардағы естеліктерімен бөлісіп, Отанды қорғаудың маңыздылығы туралы ой қозғады. Сондай-ақ, оқушылар өздерінің ардагерлерге арнаған өлеңдерін оқып, патриоттық әндер шырқады.

Шара соңында мектеп әкімшілігі қонақтарға алғыс айтып, ардагерлерге құрмет көрсетілді. Осындай тағылымды кездесулер өскелең ұрпақтың бойында патриоттық рухты қалыптастыруға үлкен үлесін қосады.