1 қыркүйек – Білім күні қарсаңында Жетісай ауданының білім бөліміне қарасты «Аманкелді атындағы №19 жалпы білім беретін мектеп» коммуналдық мемлекеттік мекемесінде дәстүрлі алғашқы қоңырау салтанатты іс-шарасы өтті.

Мерекелік жиынға мектеп ұжымы, ата-аналар қауымы, ардагер ұстаздар, оқушылар мен ауыл қонақтары қатысты. Шара Қазақстан Республикасының Мемлекеттік Әнұранымен басталды.

Мектеп директоры Тулемисова Лаззат Сламханқызы, Қазыбек би ауылдық округінің әкімі Мутаев Нұрлыбек мырза, ардагер ұстаздар мен ата-аналар жылы лебіздерін білдіріп, білімнің қоғамдағы рөлі мен ұстаз еңбегінің қадір-қасиетін атап өтті.

Әсіресе, мектеп табалдырығын алғаш аттаған 1-сынып оқушыларына ерекше көңіл бөлінді. Бұл күн олардың жүрегінде мәңгі есте қалатын қуанышты сәтке айналды.

Салтанатты жиын барысында оқушылар ән шырқап, өлең оқып, өнерлерін паш етті. Шара соңында алғашқы қоңырау соғылып, жаңа оқу жылы ресми түрде ашылды.

 Жаңа оқу жылы барша ұстаздар мен оқушыларға толағай табыс әкелсін!

Алаяқтардан сақ болайық! Қазіргі таңда алаяқтықтың түрі күн санап көбейіп, кеңінен таралуда. Сондықтан сіздерге маңызды ескерту:

 Банк деректеріңізді ешқашан ешкімге бермеңіздер!

 Банк қызметкерлері СМС арқылы келген кодты немесе картаңыздың толық нөмірі мен CVV-кодты сұрамайды.

 Биометриялық деректеріңізді (жеке сурет, дауыс, саусақ ізі, т.б.) ашық интернет көздеріне жариялаудан аулақ болыңыздар.

 Әрдайым абай болайық, өзімізді және жақындарымызды кибералаяқтардан қорғайық!

Осы ақпаратты барынша таратыңыздар.

#Әлімжетіліктің алдын алу

  Жетісай АПБ учаскелік полиция инспекторы, полиция аға лейтенант Мырзабеков Бағдат Омарханович, полиция капитаны Сапарбек Досжан Асанбековичтер келіп, мектебіміздің қызметккрлеріне төмендегіше тақырыпта қазіргі таңдағы өте өзекті мәселелердің бірі интернет алаяқтардан сақтану және алданып қалмауларына түсіндірме жұмыстарын жүргізді. 

     Қазіргі заманда интернет – өміріміздің ажырамас бөлігіне айналды. Ақпарат алу, байланыс орнату, сатып алу-сату, тіпті жұмыс істеудің өзі интернет арқылы жүзеге асып жатыр. Дегенмен, мүмкіндіктермен қатар қауіп-қатер де бар екенін естен шығармаған жөн. Солардың бірі – интернет-алаяқтар.

Интернет-алаяқтық – адамдардың сеніміне кіріп, түрлі тәсілдермен ақша немесе жеке деректерін иемдену әрекеті. Олар көбінесе:

1. Жалған сыйлықтар ұсынады («сіз ұтып алдыңыз», «сыйлық күтіп тұр» деген хабарламалар жібереді);

2. Жалған сайттар ашады (банктердің, дүкендердің атын жамылып, жеке мәліметтерді сұрайды);

3. Әлеуметтік желілерде алдайды (дос-жаранның аккаунтын бұзып, қарызға ақша сұрайды);

4. Қауіпті сілтемелер жібереді (оны басқан кезде телефоныңызға зиянды бағдарлама түседі).

Алаяқтардың айласына түспеу үшін мына кеңестерді есте сақтаған абзал:

1. Бейтаныс сілтемелерді ашпаңыз.

2. Жеке мәліметтеріңізді (ЖСН, банк картасының нөмірі, құпиясөз) ешкімге бермеңіз.

3. Әлеуметтік желілерде сақ болыңыз, досыңыздан ақша сұраса, алдымен тікелей хабарласып, анықтап алыңыз.

4. Тек ресми қосымшалар мен сайттарды пайдаланыңыз.

5. Күмәнді ұсыныстарға сенбеңіз.

     Интернет – білім мен өркениеттің көзі болғанымен, қауіпсіздік әр адамның өз қолында. Алаяқтарға алданып қалмай, сақ жүрейік!

Пайдалы кеңестері және  қауіпті алаяқтарға алданып қалмаудың алдын алу мақсатында жүргізген түсіндірме жұмыстары үшін Жетісай ауданы полиция қызметкерлері Бағдат Мырзабеков пен Сапарбек Досжанға  мектеп басшылығы және ұжымы атынан алғысымызды білдіреміз!

Тақырыбы:

«Жауапкершілік пен тәртіп – ер азаматқа тән қасиет»

Мақсаты:

Ұлдардың мәдениетті мінез-құлқын қалыптастыру;

Әдептілікке, батылдыққа, жауапкершілікке тәрбиелеу;

Сыныптағы тәртіп пен үлгерімге назар аударту.

Жиналыс барысы:

1. Кіріспе сөз – Сынып жетекшінің құттықтауы, жиналыстың мақсаты мен маңызын түсіндірді. 

2. Талқыланатын мәселелер:

Ұлдардың мектеп формасын сақтау мәдениеті.

Тәртіп пен сабаққа қатысу деңгейі.

Ұлдардың қоғамдық жұмыстарға, спорттық шараларға қатысуы.

Мектептегі қыздар жиналысы – қыз балалардың тәрбиесін, әдептілігін, мінез-құлқын қалыптастыру, қоғамдағы рөлін түсіндіру, олардың ар-намысын қорғау, өз-өзіне сенімді, жауапкершілігі мол тұлға болып өсуіне жағдай жасауға бағытталған іс-шара.

Жиналыстың мақсаты:

Қыз балалардың әдептілік, инабаттылық, мәдениеттілік қасиеттерін қалыптастыру.

Салауатты өмір салтын ұстануға үйрету.

Ұлттық дәстүр мен құндылықтарды дәріптеу.

Қыздардың ар-намысын, құқықтарын қорғау және қауіпсіздік ережелерін түсіндіру.

 «Қазақ қызы – инабаттылықтың айнасы"

Күн тәртібіне енгізілетін мәселелер:

1. Қыз балалардың мектептегі тәртібі, киім үлгісі, мәдениеті.

2. Сыныптағы, мектептегі өзара қарым-қатынас мәдениеті.

3. Қыз балалардың салауатты өмір салтын ұстануы (тамақтану, спорт, зиянды әдеттерден аулақ болу).

4. Интернеттегі қауіпсіздік және жеке басын қорғау.

5. Үлкенді сыйлау, достық пен сыйластықты қадірлеу.

Жиналыс өткізу формалары:

Ашық әңгіме, пікірталас.

Қыздар арасындағы тренингтер мен ойындар.

Рөлдік сахналық көріністер («Қыздың болашағы – білімде», «Қыз баланың әдебі»).

Арнайы қонақпен (дәрігер, ұстаз, психолог, ата-ана) кездесу.

«Экстремизмге қарсы іс-қимыл туралы» және «Терроризмге қарсы іс-қимыл туралы» заңдар аясында құқық қорғау органдары жұмыс жүргізеді.

Алдын алу шаралары

Жастар арасында патриоттық тәрбие беру, ұлттық және жалпыадамзаттық құндылықтарды насихаттау.

Интернеттегі деструктивті ағымдардың ықпалына қарсы ақпараттық-түсіндіру жұмыстарын күшейту.

Діни сауаттылықты арттыру үшін мектебімізде арнайы дәрістер, кездесулер өткізу.

Діни білім беру

Халыққа дұрыс діни түсінік қалыптастыру үшін дәстүрлі ислам мен басқа да конфессия өкілдерінің беделді дін мамандарын тарту.

Деструктивті ағымдардың идеологиясын әшкерелеу, халыққа шынайы ақпарат жеткізу.

Қоғамдық ұйымдар мен отбасының рөлі

Ата-аналардың бала тәрбиесіне жауапкершілігін арттыру.

Сабақ барысында оқушыларға қазақ тілінің мәртебесі, тарихы, болашағы туралы мағлұмат беріліп, ана тілімізді құрметтеу, сақтау, дәріптеу жөнінде әңгіме өрбіді.

  Оқушылар өлеңдер оқып, мақал-мәтелдер айтып, пікірталасқа қатысып, мемлекеттік тілдің қоғамдағы орны туралы өз ойларын ортаға салды.

Олардың белсенділігі, патриоттық сезімі, туған тіліне деген сүйіспеншілігі ерекше қуантты.