"Мейірімді жүрек"

«Аманкелді атындағы №19 жалпы білім беретін мектепте» 2024 жылдың 4-10 қарашасы аралығында «Игі істер марафоны» жобасы аясында «Инклюзия» бағыты бойынша мейірімділік апталығы өтті.

Марафонның мақсаты: мұқтаж жандарға өтеусіз көмек көрсету, волонтерлік мәдениетті дамыту және оқушыларға мейірімділік құндылығын сіңіру.

Апта бойы көптеген игі іс-шаралар ұйымдастырылды, соның ішінде:

«Әлем менің көзіммен» сурет салу жарысы– 5-6-сынып оқушылары арасында өткізілді. Олар өздерінің шығармашылығы арқылы әлемге деген көзқарастарын жеткізді. Барлық қатысушылар жүлделі орындармен марапатталып, сыйлықтар табысталды.

Мейірімділік – адам бойындағы ең асыл қасиеттердің бірі. Бұл марафон арқылы оқушылар басқаларға жан жылуын, ізгі ниеті мен алғыстарын білдірді. Мейірімділік апталығын ұйымдастырған педагог-логопед Н. Имнагалиева мен педагог-дефектолог М. Бердібекке алғыс айтамыз.